Mraydha

[Kafon : اللازمة]
ظهرك ما تعطيش سرّك ما تورّيش قلوب الناس مريضة
حبسك تعدّيه برّا راجل قالو عليه باش تعرف الهدرة زايدة
ظهرك ما تعطيش سرّك ما تورّيش قلوب الناس مريضة
حبسك تعدّيه برّا راجل قالو عليه باش تعرف الهدرة زايدة

[G.G.A : المقطع الأول]
ياااه ... زيرو لوسز، كف لخسارة
جينا من الشارع ما قبلتناش لوزارة
تعمير للادارة، ناسي هي هي
باقي فالشكارة وما عندي حتّى مزيّة
كي هي كي هو، تونس اشنوّى؟
شي ما تاخو كان ما تفكّش بالقوّة
لهنا مريضة لقلوب، لهنا قايذة خروب
حبس وعدّي محسوب، بلادك فيها مطلوب
لا مزروب منهم قلقت، من جنابي نطقت
اش نعمل بالحس، اش نعمل بتضيع الوقت
لا فايدة تي زايدة، حاب نمشي لبعيد
لعمر يزيد شي ما فمّا جديد
مش صفقة الدنيا مش وفقة يا مخاخ مغفقة
كان فالفساد لهنا تشوف لعباد متفقة
شي ما فيه تستنى، الدنيا مش كيف تتمنّى
صرفنا ما وصلنا، وبعد زدنا من عندنا

[Kafon : اللازمة]
ظهرك ما تعطيش سرّك ما تورّيش قلوب الناس مريضة
حبسك تعدّيه برّا راجل قالو عليه باش تعرف الهدرة زايدة
ظهرك ما تعطيش سرّك ما تورّيش قلوب الناس مريضة
حبسك تعدّيه برّا راجل قالو عليه باش تعرف الهدرة زايدة

[G.G.A : المقطع الثاني]
ياااه ... زوالي ما عندو بلاصة، شارع لكازة
بلاد خذات منّا وعطات للغفّاصة
اجري عمّر الطاسة، بلاك السم ينسّي
هز يدّيك لفوق وخلّي وين ترصّي ترصّي
تتفكّر وتقول، كان الوقت وفالي
الوقت يماركي ما يرجعش بينا لتالي
سرّك ما تحكيه ما تورّيه عيش بالسترة
ظهرك ما تعطيه خاطر برشا تعيش الغدرة
بدّل علينا الهدرة، تنجّم تسمع من غيري
ماناش صحاب، وما تقوليش عشري
كان نلقى عليك نتيري، نرجع للّي قبلك
تلهى في روحك لا تحسبلي لا نحسبلك
خرجنا مسالين مكروهين وفرحانين
غلطنا مرّة ومرتين، ورحمة ربّي مش ناسيين
قعدنا ندزّو، فعدنا قالشيخة نمزّو
قليل الجهد يموت، ولا تلقى شكون يهزّو

[Kafon : اللازمة]
ظهرك ما تعطيش سرّك ما تورّيش قلوب الناس مريضة
حبسك تعدّيه برّا راجل قالو عليه باش تعرف الهدرة زايدة
ظهرك ما تعطيش سرّك ما تورّيش قلوب الناس مريضة
حبسك تعدّيه برّا راجل قالو عليه باش تعرف الهدرة زايدة